په بغلان کې دخبريالانو ملاتړ وشو .

کابل باختر دکب  اتمه
د بغلان ولايت سيمه ئيزو مسوولينو  په دغه ولايت کې دخبريالانو او درسنيو دکارکوونکو دفعاليتونو ملاتړ وکړ .
دباختراژانس دسيمه ئيز خبريال   دخبرله مخې ،  په هغې غونډه کې چې درسنيو دمسوولينو او کارکوونکو  په ګډون  په پلخمري  ښار کې جوړه شوې وه  دبغلان دوالي مرستيال  عبدالقدير نيازي  او دخبريالانو د مصوونيت دکميټې رييس  د دغه ولايت درسنيو دکړو وړو او کارونو له امله  په مننې او قدرداني سره وويل چې  خبريالان  دنيمګړتياو په وړاندې د خلکو غږ دي.
دوى  د رسنيو د ستونزو  څيړنه د دولت  له مهمو  مسووليتونو څخه وبلل .
  نيازي وويل  چې  د  حقيقتونو  په منعکس کولو او درپوټونو په برابرولو کې  له خبريالانو سره جدي همکاري کوي . په دې شرط چې  خبريالان  دحقيقتونو  په رسولو کې  خپل ايماني او وجداني مسووليتونه ترسره کړي .
  د اطلاعاتو اوفرهنګ رياست داطلاعاتو آمر او  دخبريالانو دمصوونيت دکميټې دايمي غړي  همايون رستمي  دخبريالانو د کاري او ځاني خونديتوب په باب خبرې وکړې او دبغلان ولايت داطلاعاتو اوفرهنګ رياست  همکاري يې  له خبريالانو  سره  اعلان کړ .   ختم- ج _ اکرم