کابل، د وري ۲١مه، باختر
د بادغیس د بدني روزنې او سپورټ آمریت د خپلو یو کلنو لاسته راوړنو راپور د یوې خبري غونډې په ترڅ کې له رسنیو سره شریک کړ.
د دغه ولایت د بدني روزنې او سپورټ آمر ملا فیض الله فیاض په خپل کلني راپور کې وویل، چې په یاد ولایت کې ۳ زره ۶۵۶ ورزشکاران د سپورټ په ١٧ څانګو کې فعاليت کوي، چې تېرکال یې د هېواد په یو شمېر ولایتونو کې رسمي او دوستانه سیالۍ ترسره کړې، چې په کې یې ۸ د سره زرو، ۱۰ د سپینو زرو او ۷ د برنزو مډالونه یاد ولایت ته ګټلي دي.
فیاض زیاته کړه، چې تېر کال فول رزم، اتلتیک، بایسکل ځغلونې، پانګرېشن او پاورلفتینګ سیالیو فدراسيونونه هم رامنځته شوي دي.
جهانیار
