– کابل، د سلواغې ۲۵مه، باختر
د بادغیس امنیتي مسوولین وایي، چې د دغه ولایت په آبکمري ولسوالۍ کې د لاسي بم د چاودنې له امله دوه ماشومان مړه شوي دي.
د دغه ولایت امنیې قومندانۍ ویاند صديق الله صادقي باختر آژانس ته وویل، چې دغه پېښه د آبکمري ولسوالۍ د آغک کلي په يوه پوسته کې هغه وخت رامنځته شوه، چې دغه ماشومان د اوسپنې د زړو ټوټو په راټولولو بوخت وو.
نوموړي زیاته کړه، چې دغه پوسته له دې وړاندې د جګړو پرمهال ویجاړه شوې وه.
لمر
