کابل، د سلواغې ١٤مه، باختر
د بغلان امنیتي مسوولین وایي، چې په دغه ولايت کې يې ٧ تنه د نشه يي توکو د پلور په تور نیولي دي.
د دغه ولایت د امنیې قومندان مولوي شېر احمد برهاني د باختر آژانس سيمه ييز خبريال ته وویل، چې امنیتي ځواکونو يې د دغه ولایت په بېلابېلو سيمو کې ۷ تنه د نشه يي توکو د پلور په تور نیولي دي.
برهاني زياته کړه، چې له نیول شويو کسانو څخه یوه اندازه چرس، پوډر او ټابلېټ کا ګولۍ هم ترلاسه شوې دي.
لمر
