بغداد- نيوزنو – باختر دمرغومي دمياشتې ٩
دعراق په ګوټ ګوټ کې په جلا جلا بريدونو کې څه ناڅه څوارلس تنه ووژل شول او په لسګونو تنه نور ټپيان شول .
په يو له دغو بريدونو کې دموصل په ښارکې ځانمرګي بريدکوونکي د اردو په ګزمې بريدوکړ او له څلورو تنو سرتيرو سره څلورتنه جګپوړې افسران ووژل شول او نهه تنه سرتيرې او څلور تنه ملکي وګړي ټپيان شول .
دبغداد په ابوغريب سيمه کې هم وسله والو کسانو دحکومت د ملاتړو مليشه دځواکونو دپلتنې په يوې پوستې بريد وکړ .
په دې بريد کې دمليشو پنځه تنه سرتيرې ووژل شول او درې تنه نور ټپيان شول .
دغه راز پرون د بغداد ښار په جهاد سيمه کې دبم دچاودنې له امله دوه تنه ملکي وګړى ووژل شول او اته تنه نور ټپيان شول .
داسوشتدپرس خبرى آژانس خبر راکړ : چې دپرونيو وژل شويو کسانو په ګډون دهغوکسانو شمير چې په روانه مياشت کې په عراق کې وژل شوي دي څلور سوه نوي تنو ته ورسيد.
