کابل باختر د وري اتلسمه :
دفارياب ولايت پوليسو دوه تنه ماين ښخوونکي په قيصار ولسوالۍ کې نن دماين ښخولو په وخت کې ونيول .
دفارياب ولايت امنيه قوماندان مل پاسوال عبدالنبي الهام دباختراژانس خبريال ته وويل: ددغه ولايت پوليسو دقيصار ولسوالۍ دحرکت ليک دکلي دخلکو په همکارۍ دوه تنه ماين ښخوونکي دقيصار ولسوالۍ په يوه ګڼ ميشت واټ کې دماين ښخولو په وخت کې ونيول .
يوه اړونده خبرځاى وويل، له نيول شويو کسانو څخه دوه تومانچې ، دتوغندي ويشتوونکي ګولۍ ، دماين ريموت کنترول او ثانيه سوځوونکي پلټې ترلاسه شوي دي .
دغه کسان په داسې حال کې نيول شوي دي چې دوه ورځې مخکې دوسله والو طالبانو له خوا په همدې ساحه کې د ښخ کړى شوي ماين د چاودنې له امله يوملکي وګړى شهيد شوى و .
1 1 دقیقه لوستل