دبلخاب _ سرپل په لويه لاره کې دترافيکي پيښې له امله دوه تنه ووژل شول او نهه تنه نور ټپيان شول

-کابل باختر د مرغومي نولسمه :
په سرپل ولايت کې دترافيکي پيښې له امله دوه تنه ووژل شول او نهه تنه نور ټپيان شول .
دغه پيښه پرون ناوخته دبلخاب _ سرپل په لويه لاره کې هغه وخت رامنځته شوه چې يومسافروړنکى  فلانکوچ  موټر له واټ څخه واوښت اوچپه شو .
دسرپل ولايت امنيه قوماندان جنرال نور حبيب ګلبهاري دباخترآژانس  خبريال ته وويل چې په دې پيښه کې دوه تنه وژل شوي او نهه تنه نور ټپيان شوي دي .
  ده دموترچلوونکي ګړندى تګ اوبې احتياطي ددغې مرګانى ترافيکي پيښې اصلي انګيزه وبلله.
  خو دبلخاب _ سرپل  دلارې سپرلى  اوموټر چلوونکي تل دسړک خرابوالى او له اندازې څخه  زيات دوسايطو تګ راتګ ددغه شان  خونړيو ترافيکي پيښو اصلي انګيزه بولي .
  په همدې حال کې په يو روغتيايي مرکز کې ډاکترانوددغې ترافيکي پيښې ددو تنو ټپيانو روغتيايي حالت خراب وباله .