کابل، د کب ۲۸مه، باختر
د تورخم د ګمرک ریاست مسوولین وايي، چې تورخم ښارګوټي کې د ننګرهار ګمرک صادراتو څانګې کارکوونکو له لوري ۲ زره ۲۳۲ کیلوګرامه قېمتي او نیمه قېمتي ډبرې نیولې دي.
د یاد ګمرک مسوولینو باختر آژانس ته وویل، چې تورخم ښارګوټي کې د ننګرهار ګمرک صادراتو څانګې کارکوونکو له لوري ۳۲ کيلو ګرامه قېمتي او ۲ زره ۲۰۰ کيلو ګرامه نيمه قېمتي ډبرې، چې په خاور ډوله موټر کې په ډېر مهارت ځای پرځای شوې وې نیولي دي.
د یادونې وړ ده، چې له دې وړاندې هم په دغه ګمرک کې زرګونه کیلوګرامه قېمتي او نیمه قېمتي ډبرې نیول شوې وې.
لمر
