په هلمند کې د یوولسو وسله والو طالبانو وژل کېدل

-کابل/ دتلې ١٨مه/ باختر
يوولس وسله وال طالبان په هلمند کې له پوځیانو سره په نښته کې ووژل شول.
پر دغو طالبانو تېره شپه او نن سهار په سنګین ولسوالۍ او لښکرګاه ښارته څېرمه بریدونه وشول.
د هېواد په جنوب کې د اتل قول اردو یوه جګپوړي قوماندان باختر آژانس ته وویل چې په جګړه کې ۱۱ وسله وال طالبان وژل شوي دي.
د یو بل خبر له مخې:
په هلمند کې د یو لړ چاودنو مخه ونیول شوه.
امنیتي مامورینو نن سهار ١٠ ماینونه د هلمند په ګڼ مېشتولاروکې کشف او شنډ کړل ختم/ع