سیاستخبرونهاقتصادTOP

جاپان له افغانستان سره څه د پاسه ۱۰۰ميليونه ډالره مرسته کوي

کابل، د لېندۍ۱۵مه، باختر

په کابل کې د جاپان سفارت له افغانستان سره د څه د پاسه ۱۰۰ ميليونه ډالرو د مرستې خبر ورکړی دی.

ياد سفارت په خپله ټويټر پاڼه ليکلي: (خوښ یو چې اعلان کوو جاپان د افغانستان سره د ۱۰۶.۷ میلیون ډالرو مرستې پرېکړه کړې ده، ترڅو د بشردوستانه پروژو د پلی کولو او د لومړنیو بشري اړتیاوو پوره کولو امکان برابر کړی. موږ د زړه له کومی هیله لرو چې دا پروژې به د افغانانو د خوشحالۍ په راوستلو کې مرسته وکړي.)

سرچينې زياته کړې، چې دا پروژې به د ملګرو ملتونو د ادارو، نړیوالو سازمانونو او غیردولتي موسسو لخوا د ژوند د ښه کولو په موخه پلي کېږي.

په افغانستان کې د جاپان سفارت همدارنګه ويلي، چې د ۱۰۶.۷ میلیون ډالرو مرستې سره به د ۲۰۲۱ کال د اګست میاشتې راهیسې له افغانستان سره د جاپان مرستی په مجموعي توګه ۳۳۵ میلیونه ډالرو ته ورسېږی.

افغانمل

 

دوام

ورته لیکنې

دکمه بازگشت به بالا