کابل باختر دوږي دمياشتې ٢٣ نيټه :
پنځه تنه مشکوک کسان پرون په کندزولايت کې ونيول شول.
دغه پنځه تنه مشکوک کسان د وژنې ، غلاو او ټپي کيدو په پيښو کې نيول شوي دي .
د کندز ولايت له جنايي جرمونوسره د مبارزې لوى مدير سمونوال ويس الدين تلاش دباختراژانس خبريال ته وويل چې د دغې قوماندانۍ له جنايي جرمونو سره دمبارزې منسوبينوڅلورتنه مشکوک کسان دغلاو، ټپي کولو او يوتن يې دوژنې په تور نيولي دي.
