کابل باختر دکب څوارلسمه :
د افغانستان د اسلامي جمهوريت دجمهور رييس حامدکرزي د جمهوري رياست د سرپرست د ټاکنې په باب يو فرمان صادرکړ.
دچارو د ادارې او د وزيرانو شورا د دارالانشا دلوى رياست د اطلاعاتو اوعامه اړيکو ادارې باخترآژانس ته خبر ورکړ: د افغانستان داسلامي جمهوريت جمهور رييس، د افغانستان د اسلامي جمهوريت د جمهوري رياست د سرپرست د ټاکنې په باب يو فرمان صادرکړ.
دفرمان په متن کې ليکل شوي دي :
دافغانستان د اسلامي جمهوريت د جمهوري رياست لومړي مرستيال مارشال محمدقسيم فهيم ته واک ورکول کيږي چې دسريلانکا دسوسيالستي دموکراتيک جمهوريت هيواد له سفر څخه دافغانستان داسلامي جمهوريت دجمهور رييس تر راستنيدو پورې د افغانستان د اسلامي جمهوريت دجمهوري رياست د چارو سرپرستي وکړي.
په فرمان کې د اړوندو چارو په ترسره کولوکې د لوى خداى ( ج ) له دربارڅخه د ده د لازياتوبرياليتوبونو هيله هم شوې ده.
