کابل- باختر دکب دمياشتې ٥
په کونړ ولايت کې د هيواد دملي اردو د سر د دروند زيان په نسبت دافغانستان داسلامي جمهوريت دملي شورا دمشرانو جرګې اعلاميه.
د ملي شورا مشرانو جرګه د کونړ په غازي آباد ولسوالۍ کې دهيواد دکورنيو او بهرنيو دښمنانو د يوې ګډې توطيې له امله د ملي اردو د ٢١ تنو سرتيرو دشهادت يوه ډيره زړه بوږنوونکى او نه جبيره کيدونکې ضايعه بولي .
د طالبانو او د آى اس آى دغه خائينانه دسسيسه يې په ډيرو سختوالفاظوغندى او ددغوسورکفنو ځوانانو پاک روح ته د دعا دکولو په ترڅ د دوى کورنيو ، دسنګر ملګرو او دهيواد ټول ملت ته د ژورې خواخوږۍ او ډاډګيرنې مراتب څرګندوي .
انالله او انااليه راجعون .
په دغه شان خائينانه توطيه کې دملي اردو سرتيرو ته دسر دغه شان زيان او ښتل کيداى شي د هيواد پوځي او کشفى مسوولينو ته جدي خبر دارى وى چې دافغانستان په کمين کې ناستو دښمنانو د دسيسو په څپوکې دامنيتي منسوبينو
د سمبالولو ، وسله وال کولو ، روزنې او دملاتړ اړتيا څرګنده او په ډاګه کوي
د خطرناکو تروريستانو د خوشې کولو په بدل کې له هغو سره د جدي عدلي او قضايي چلند چې لاسونه يې ددغه هيواد دبچيانو په وينو سره دي الزامي کوي دملي شورا دمشرانو جرګه دافغانستان د دولت له مشرتابه څخه په جدي توګه غواړي چې دهيواد رښتينو سرتيرو او مدافعينو د برخليک په وړاندې روښانه دريځ غوره کړى په تيره بيا د غازي آباد پيښه چې په هغې کې ددغه هيواد ډيرو ښو بچيانو او مړينو بچيانو ژوند له لاسه ورکړ وڅيړي او د نتيجې په باب دې دملي شورا مشرانو جرګې ته رپوټ ورکړى شي.
2 1 دقیقه لوستل