ډاکتر محمداشرف غني احمدزي دافغانستان دژغورنې دملي جبهې ګوند او داسلامي انقلاب ګوند له غړو سره وکتل.

 کابل باختر دتلې دمياشتې ١٣  :
دافغانستان داسلامي جمهوريت  جمهوررييس ډاکترمحمد اشرف  غني ا حمدزي  نن  دافغانستان د ژغورنې دملي جبهې   ګوند  او داسلامي انقلاب ګوندله غړو سره   په جلا جلا توګه وکتل.
دجمهوري رياست مطبوعاتي دفتر باخترآژانس ته خبرورکړ :
په دغو کتنو کې چې په ارګ کې وشوې  دوى   دافغانستان د جمهوررييس په توګه دډاکتر محمداشرف  غني احمدزي دټاکل کيدو له امله مبارکي وويله .
جمهوررييس  له فسادسره دمبارزې اوپه هېوادکې  دسولې اوثبات دتامينولو په برخو کې  ددغو ګوندونو دهمکارۍ غوښتنه وکړه .
ډاکترمحمداشرف غني احمدزي په  دې باندې په ټينګارسره چې  دافغانستان  له خلکوسره به تل په اړيکه کې  وي   وويل : دارګ او  جومات ترمنځ واټن لنډوم
ده وويل :  نن ورځ   هغه مقام چې  زه ورته رسيدلي يم دافغانستان دخلکو دهمکارۍ زيږنده دى  او زه هلې ځلې کوم  چې  دبيوزلو په حالت  خبر واوسم او دلوى خداى  ج له دربار څخه هيله لرم چې خپلو خلکو ته دخدمت جوګه شم.