کابل باختر د سلواغې دمياشتې ٢٥ :
د امنيتي ځواکونو د غبار _ ٧ عملياتو په دوام اته تنه وسله وال طالبان دکاپيسا ولايت دتګاب ولسوالۍ په مربوطاتوکې ووژل شول.
د ٢٠١ سيلاب قول اردو مطبوعاتي دفتر باختر آژانس ته د يوې خبرپاڼې په ليږلو سره ليکلي دي:
دغه عمليات د کاپيسا ولايت د تګاب ولسوالۍ په مربوطاتوکې د ښه امنيت د تامينولو په مقصد پيل شوي و چې په نوې پرمختيا کې اته تنه وسله وال طالبان ووژل شول او ٢٣تنه نوريې ټپيان شول.
ديوبل خبرله مخې :
د لغمان ولايت د قرغيو ولسوالۍ او د کونړ ولايت د ماڼوګي ولسوالۍ په مربوطاتوکې د الماس _ ٣٨ او د توپان _٦٨ عملياتو په بهيرکې د لغمان ولايت د قرغيو ولسوالۍ په مربوطاتوکې د پلټنې په وخت کې يو تن دتروريستي فعاليتونوپه تورله څو جوړې پوځي جامو سره نيول شوى دى.
