کابل، د سلواغي لومړي نیټه، باختر
د بلخ ولایتي مسوولین وایي، چې ایران یزد ایر هوایي شرکت د تهران او بلخ ترمنځ د الوتنې لړۍ پیل کړې.
د یاد ولایت وياند حاجي زيد د باختر آژانس سیمه ییز خبریال ته وویل، چې نن ایران یزد ایر هوایي شرکت لومړنۍ الوتکه ان ایربس ۳۱۰، له تهران څخه د مزارشریف هوایي ډګر ته راورسېده.
هغه زیاته کړه چې له دې وروسته به دغه شرکت هره اوونۍ له تهران څخه بلخ او له بلخ څخه تهران ته پروازونه ولري.
د يادونې وړ ده چې مخکې له دې هم په هېواد کې يو شمېر نورو نړیوالو هوايي شرکتونو خپل پروازونه پيل کړي وو.