کابل باختر دکب پنځه ويشتمه :
دوه تنه له طالبانو سره دهمکارۍ په تور ونيول شول .
دکاپيسا ولايت دامنيې قوماندانۍ داوپراسيون آمر سمونمل امان الله دباختراژانس خبريال ته وويل :مولوي پرويز او مولوي حمد الله دکابل ولايت دسروبي او دکاپيسا ولايت دتګاب ولسوالۍ اوسيدونکي نن سهار دکاپيسا ولايت په مرکز پورې اړوند په شوخي سيمه کې هغه وخت ونيول شول چې دسميع الله په کور کې ددولتي ضد عملياتو دطرحه کولو لپاره يوځاى شوي و .
خبرځاى زياته کړه: دغه کسان چې دپوځي او ملکي وګړو د وژلو په خاطر دورانکارو عملياتو دترسره کولو نيت درلود ونيول شول .
