په ننګرهار کې په ځمکنيو او هوايي بريدونوکې دشلو تنو وژل کيدل .

-کابل باختر د ليندي درې ويشتمه :
دننګرهار ولايت په مربوطاتو کې ديولړهوايي  اوځمکنيو بريدونوپه بهير کې  دداعش  دډلې شل تنه غړي ووژل شول .
په دغو داعشيانو په تيرو څلورويشتو ساعتو کې دننګرهار ولايت  ددربابا ، هسکې مينې او دکوټ  دولسواليو په مرپوطاتو کې بريدونه شوي دي .
  دننګرهار دوالي وياند عطاالله  خوږياڼي  باختراژانس ته خبرورکړ چې په دغو ځمکنيو او هوايي  بريدونوکې دداعش  دډلې  شل تنه غړي  وژل شوي اويوشمير نور  ټپيان شوي دي .
  ده وويل داعشيان په ډار اچوونکو فعاليتونو بوخت وو چې بريدونه پرې وشول
ويل کيږي  چې په دغو  بريدونوکې دسيمې اوسيدونکو ته زيان نه دى اوښتى .
  په يوبل خبر کې ويل شوي دي چې په ننګرهار  ولايت کې ديولړ چاودنو مخه ونيول شوه .
امنيتي  مامورانو نن سهار دننګرهار ولايت په ګڼ ميشتو لارو کې  درې ماينونه  کشف او شنډ کړل . ددغو ماين ښخونو په اړوند  څوک نه دى نيول شوي  . 
ديوبل  خبرله مخې، پوځيان دننګرهار ولايت دلعل پورې  او اچين دولسواليو په مربوطاتوکې  ددښمن  دجنګي وسايلو ددريو ډيپوګانو په کشفولو  بريالي شوي دي .
  په دغو ډيپوګانو کې يوه اندازه سپک او درانده جنګي وسايل ترلاسه شوي دي .
  سيمه ئيز مقامات وايي چې داعشيانو له دغو وسلو  څخه په ډار اچوونکو فعاليتونو کې استفاده کوله .