په قندهارکې د چاودنې له امله درې تنه ووژل شول

قندهار باختر د جوزا د  میاشتې ۹ مه
د قندهار ولایت د پنځمې حوزې اړوند د مېوې  مارکېټ ته څېرمه د مستریانو په یوه ورکشاپ کې نن سهار چاودنه وشوه چې له امله یې درې تنه ملکي وګړي وژل شوي او شپږ تنه نور ټپيان شوي دي.
د  قندهار د والي ویاند محمد داوود احمدي د باختر اژانس سیمه یېز خبریال ته د پېښې پخلی کړی او زیاته کړې یې ده چې د ټپيانو حالت د ا ندېښنې وړ دی.
تر اوسه د دغې چاودنې مسوولیت کومې ډلې نه دی منلی.
پای/وصال