کابل باختر دغويي دمياشتې ١٨ نيټه :
د جمهوري رياست هيئت نن د هرات ولايت ته ورسيد.
په دې هيئت کې چې د جمهوري رياست سلاکاران شېرمحمدبهادر او قاضي سليمان حامد شامل دي د هرات له والي محمدآصف رحيمي سره په کتنه کې هرات د خپل سفر هدف د انتخاباتوپه باب د خلکو له بېلابېلو قشرونو او دولتي مقاماتو سره خبرې ياد کړ .
دغه هيئت په پام کې لري چې له دولتي مقاماتوسره د خبرو ترڅنګ له مخورو او روحاني شخصيتونو، ديني عالمانو ، ځوانانو ، ښځو او له مدني فعالينو سره هم وګوري.
د هرات والي په هرات ښارکې د نوم ليکنې د بهير د پرمختګ له امله خوښي څرګنده کړه او له دې امله چې د هرات ولايت مشرتابه او دولتي مقاماتو په دې پروګرام کې ونډه اخېستې قدرداني يې وکړه.
د هرات والي وويل ؛ د افغانستان د اسلامي جمهوريت د جمهوري رياست له لارښوونې سره سم دولتي مسوولين به د خپلې بيطرفۍ په ساتنې سره د دغه بهير د پرمختګ په خاطر همکاري وکړي.
دغه هيئت به د لويديځ زون نورو ولايتونو ته هم سفر وکړي او د انتخاباتو د ترسره کولو او د ستونزو په اړوند له بېلابېلوقشرونوسره خبرې اترې کوي.
پاى جذ
