کابل، د غبرګولي٢مه، باختر
د عامې روغتيا وزارت په هېواد کې د پوليو واکسين بله دوره په داسې حال کې پيل کړې چې افغانستان د یادې ناروغۍ له منځه وړلو ته نږدى شوى، د باختراژانس مبصر ليکي ؛ په هېواد کې د يوليو واکسين بله دوره پيل شوې او ټاکل شوې ده په دې دوره کې څه ناڅه لس ميليونه ماشومان د دې ناروغۍ پر وړاندې چې کولاى شي ماشومان په دايمي فلج اخته کړي، واکسين شي.
د نړۍ په کچه يوازې په افغانستان او پاکستان کې د پوليو ويروس شتون لري.
په افغانستان کې د روان ميلادي کال په بهير کې يوازې د پوليو يوه مثبته پېښه ثبته شوې ده.
مقامات وايي چې د دغه ویروس جنیټیکي ریښه د پاکستان کویټې له مثبتو پېښو سره تړاو لري.
تېرکال په افغانستان کې د پوليو ٤مثبتې پيښې ثبتې شوې وې.
د هېواد د عامې روغتيا وزارت چارواکي وايي چې افغانستان د دې ناروغۍ بشپړ له منځه وړولو ته نږدې شوى، اوس د دې اړتيا ده چې ټول لاسونه سره ورکړو او د پوليو واکسين تطبيق په کمپاين کې همکاري وکړو.
د پوليو واکسين په تېره دوره کې يو لړ ستونزې رامنځته شوې، په قندهار او تخار کې د پوليو واکسين د تطبيقولو پر رضاکارانو بريدونه وشول چې د سر زيان يې رامنځته کړ.
په داسې حال کې چې د پوليو واکسين پروګرام يو ملي پروګرام دى او د دې اړتيا ده چې له هغه څخه د ماشومانو د ژغورلو عامل په توګه ملاتړ وشي.
لازمه ده چې چې مسوولين دې له منبرونو ، ښوونځيو او د رسنيو له لارې په تبليغ
کولو او د قومي مشرانو له نفوذ څخه په استفادې د دغه پروګرام په ترسره کولو عمل وکړي.
ماشومان چې د هېواد راتلوونکی جوړوي نو باید روغتيا او سلامتيا ته یې جدي پاملرنه وشي.
\ ج