کابل / باختر د لړم د مياشتې ١٤ :
د شاهين _ ١٠ د گډو پوځي عملياتوپه دوام او په داعش پورې په يوشمير اړوندو کسانو د هوايي پوځ دبريد له امله يوشمير ډارچوونکو ته مرګ ژوبله واوښته .
د ٢٠١ سيلاب قول اردو د قوماندانۍ مطبوعاتي دفتر باخترآژانس ته خبر ورکړ: په دغو ګډو پوځي عملياتو کې چې يوه اوونۍ مخکې د٢٠١سيلاب قول اردو د څلورمې پلې لوا ، ملي پوليسو ، سرحدي پوليسو ، دعامه نظم دپوليسو او د ملي امنيت دمنسوبينو له خوا د ننګرهار ولايت د اچين ولسوالۍ په مربوطاتوکې پيل شوي و، ددغه ولايت زيات شمېر سيمې پاکې شوې او په داعش پورې يوشمير اړوندو کسانو ته مرګ ژوبله واوښته او دهوايي قوتونو دبريد له امله يوه اندازه وسله او مهمات يې هم له منځه تللي دي.
