کابل باختر د مرغومې شلمه :
د اطلاعاتو او فرهنګ وزارت د ځوانانو د چارو معين ډاکټر کمال سادات پرون د هغو ځوانانو ترمنځ چې د هلد پرايز په سياليو کې يې ګډون کړى وو، وويل چې حکومت وړتيا لرونکو ځوانانو ته اړتيا لري .
د هلد پرايز په رقابتي پروګرام کې د نړۍ له يوسلو پنځوسوهېوادونو او له زرو پوهنتونونو څخه استعداد لرونکي ځوانان ګډون کوي او ګټوونکې ډله په پاى کې د ملګروملتو په سازمان کې خپل پروګرام بيانوي .
دغه سيالۍ د لومړى ځل لپاره په افغانستان کې ترسره شوه چې کابو پنځه ويشتو ډلو ځوانانو پکې خپل پروګرامونه وړاندې کړل او په پاى کې يوه څلور کسيزه ډله د دغې سيالۍ ګټوونکې شوه.
دغه ځوانان په راتلونکې پړاو کې يوه سخته سيالي په مخ کې لري.
د ځوانانو د چارو معين زياته کړه چې، د نطام اساسي ستنې ځوانان جوړوي او ځوانان هڅه کوي چې د هغوسياليو ګټوونکي شي چې په تېرو وختونوکې يې په اړه هيڅ فکر نه کيده .
ختم_ عطاالله _ اکرم
1 1 دقیقه لوستل