په کابل کې له سيلاو ځپلو کورنيو سره نغدي مرسته وشوه

کابل باختر د زمري پنځه ويشتمه :

د کابل ښار په بېلابېلو ناحيوکې د سيلاوونو د راوتلو له امله په ٢٤٠ زيانمنو شويوکورنيو نن نغدي مرسته وويشل شوه .

دباختر آژانس د خبريال دخبر له مخې:

د کابل ولايت سرپرست محب الله محبي د دغو مرستو د ويشلو په وخت کې وويل: دغه کورنۍ د کابل ښار او د اړوندو ولسواليو اوسيدونکي دي چې تېرکال د طبيعي پيښو له امله زيانمنې شوې وې .

ده وويل: له هغوکورنيو سره چې د خپلې کورنۍ غړي يې له لاسه ورکړي دي؛ د٥٠ زرو افغانيو او له هغوکورنيو سره چې کورونه يې ويجاړ شوي دي؛ ١٥ زرو افغانيو مرسته وشوه .

له پيښو سره د مبارزې د تيارى د ملي ادارې د بيړنيو حالاتو رييس محمد خان  وايي چې هغه بېلابېلې سيمې چې د کابل ولايت په کچه د طبيعي پيښو له امله زيانمنې شوې دي؛ پخوا سروې شوې او د دغه شان مرستو ويشل دوام لري .

د ده دڅرګندونو له مخې: تېره اوونۍ هم له نوي زيانمنو شويو کورنيو سره دغه شان مرسته وشوه .