د دولت آباد پخوانى ښاروال ووژل شو.

-کابل – باختر د ثور دمياشتې ٢١
دفارياب ولايت د دولت ،آباد ولسوالۍ پخوانى ښاروال پرون په يوه تروريستي پيښه کې ووژل شو .
د دولت آباد ولسوال عبداسلام نذهت دباختر آژانس خبريال ته وويل: ددغې ولسوالۍ پخوانى ښاروال فيض الله چې دخپل موټر په سپرلۍ دولسوالۍ مرکز ته روان و په موټر کې ځاى پرځاى شوى مقناطيسي ماين وچاوديد او ووژل شو.
نذهت زياته کړه: ددغې پيښې په اړوند څوک نه دي نيول شوي .
ديوبل خبرله مخې: په فارياب ولايت کې ديوې ترافيکي پيښې له امله دملي اردو دوه تنه سرتيري شهيدان او څلور تنه نور ټپيان شول د دولت آباد ولسوال د څرګندونو له مخې: په ملي پوليسو پورې اړوند يو ټانک په فيروزه يې سيمه کې چې په ګزمې بوخت و له واټ څخه ووت او چپه شو چې له امله يې دملي اردو دوه تنه سرتيري شهيدان او څلور تنه نور ټپيان شول.