کابل / د زمري ۸مه / باختر
په هرات کې ۵۲ وسله وال طالبان پرون د جګړو په بهير کې ووژل شول.
د ٢٠٧ ظفر قول اردو مطبوعاتي مسوول باختر آژانس ته وويل چې دغه وسله وال طالبان د هرات د ګذرې او کرخ ولسواليو په مربوطاتو کې د امنيتي او دفاعي ځواکونو او د ولسي پاڅون کوونکو په عملياتو کې چې د هوايي قواوو په ملاتړ ترسره شول، ووژل شول.
خبرځاى زياته کړه: په دغو عملياتو کې ۴٧ نور وسله وال طالبان ټپيان او جنګي وسايل یې له منځه يوړل شول.
ختم-ج-ا
