کابل باختر د چنګاښ دولسمه :
دملي امنيت دلوى رياست موظفينو نهه تنه تروريستان په قندهار ولايت کې ونيول .
دملي امنيت دلوى رياست مطبوعاتي دفتر باختراژانس ته خبر ورکړ دغه کسان دطالبانو په ډلې پورې اړه لري چې دکابل _ قندهار په لويه لاره کې په دولتي وسايطو اوپوځي اکمالاتي کاروانونو باندې په ډله ئيزو بيريدونو او تروريستي فعاليتونو بوخت وو چې دملي امنيت دلوى رياست دموظفينو له خوا ونيول شول . نيول شويوکسانو دقندهار په شاولي کوټ ، خاکريز او ميوند په ولسواليو کې قومي مخور ، ديني عالمان او دولتي مامورين وژل او له خلکو څخه يې دعشر په نامه نغدې پيسې راټولولې .
