کابل/ دوري ٢٦مه /باختر
د عامې روغتيا وزارت سرپرست ډاکټر وحيد مجروح د يونيسف ادارې له استازي سره د ابتدايي روغتيايي خدمتونو پر پياوړتيا ټينګاروکړ.
ټاکل شوې ده په نږدې راتلونکې کې د يونيسف ادارې په همکارى د نړيوالو روغتيايي شريکانو ترمنځ د عامې روغتيا وزارت د رهبرى او د نړيوالو مرستندويو بنسټونود استازوپه ګډون په انلاين ډول يونړيوال کنفرانس جوړ شي.
په دې کنفرانس کې ډاکټروحيدمجروح د ټولنې د روغتيايي کارکوونکو د ملاتړاود لومړنيو روغتيايي خدمتونو د وړاندې کولو سيستم د پياوړتيا په اړه خبرې کوي.
د عامې روغتيا وزارت سرپرست د روغتيايي خدمتونو د وړاندې کولو په لاره کې د ټولنې د روغتيايي کارکوونکو رول مهم وباله اود دغه کنفرانس د جوړولو په خاطر يې د يونيسف ادارې له همکارى قدرداني وکړه .
ډاکټر مجروح دغه راز وويل چې د ټولنې د روغتيايي کارکوونکوترڅنګ روغتيا پالان او قابلې هم د روغتيايي خدمتونوپه وړاندې کولوکې ارزښتناک رول لري اوموږ هلې ځلې کوو چې د هغوى د ظرفيتونو د لوړولو لپاره د زياتو زده کړو زمينه برابره کړو.
ختم_ ج –ا
