![Copy Of Copy Of Image Template 20240630 164442 0000](http://www.bakhtarnews.af/wp-content/uploads/2024/06/Copy-of-Copy-of-Image-template-_20240630_164442_0000-720x470.png)
کابل، د چنګاښ ۱۰مه، باختر
د دوحې په ۳ مه ناسته کې د ګډون په موخه قطر هېواد ته د اسلامي امارت تللي پلاوي نن د روسيې او ازبکستان هېوادونو له ځانګړو استازو سره کتلي دي.
د ياد پلاوي مشري او د اسلامي امارت وياند ذبيح الله مجاهد پر خپله اکس پاڼه ليکلي، چې د روسیې د ولسمشر له ځانګړي استازي ضمیر کابلوف سره په مهمه ناسته کې يې د کابل او مسکو د اړیکو د پیاوړتیا په اړه خبرې کړې دي.
مجاهد زياته کړې، چې په دغه ناسته کې روسیې د افغانستان اسلامي امارت له دریځ څخه ملاتړ او اسلامي امارت هم د روسیې له مثبت دریځ څخه مننه کړې.
په ورته وخت کې نوموړي همدارنګه ويلي چې د ازبکستان د ولسمشر له استازي عصمت الله ارګاشف سره په ليدنه کې يې هم د دواړو هېوادونو په اړوندو موضوعاتو خبرې اترې کړې دي.
نوموړي هم وړاندې ويلي چې د ازبکستان د ولسمشر ځانګړي استازي هم د دوحې په ناسته کې د اسلامي امارت له دريځ څخه ملاتړ کړی دی.