قطر په کابل کې تروريستي بريد وغانده .

دوحه  باختر د سلواغې دويمه :
د قطر د بهرنيو چارو وزارت پرون مازيګر د يوې وينا  په صادرولو سره دکابل په انترکانتيننتال هوټل  تروريستي بريد وغانده .
  د قطر د بهرنيو چارو وزارت  په دې يادونې سره  چې دوحه له انګيزې او دلايلو څخه پرته  له تروريزم سره  مخالف دى،دافغانستان له دولت او خلکو سره  همدردي کوي .
هغه ځانمرګي يرغلګر چې  د شنبې په شپه  يې  دکابل  په انترکانتيننتال  هوټل  په  بريد سره  د افغانستان  څه دپاسه  سل تنه  ملکي وګړي او بهرنيان  يرغمل کړي و له  پنځلسو  ساعتونو  نښتو وروسته  د دولتي ځواکونو له خوا  ووژل شول.
  د افغان خبرځايونو  د خبرونوله مخې ،  په دې تروريستي اقدام کې  څو تنه وژل شوي  او شپږ تنه نور ټپيان شوي دي.
  وسله والو طالبانو  د يوې وينا په صادرولو سره  د دغه بريد مسووليت پرغاړه واخيست .           ختم- ف _ اکرم