کابل/ باختر/ د غويي دمياشتې درېمه :
د افغانستان د اسلامي جمهوريت د جمهور رييس د حکم له مخې، نن يکشنبې د ثور دمياشتې درېمه نيټه، د ٢٠٩ شاهين قول اردو د شهيدانو د درناوي په خاطرپه هېواد کې ملي ماتم اعلام شوى دى .
د اطلاعاتو او فرهنګ وزارت له ټولو تصويري، غږيزو، ټولنيزو او له نورو چاپي رسنيوڅخه غواړي ترڅو خپلې خپرونې د دغې ورځې له روحيې او د هېواد د خلکو د خپلواکۍ او آزادۍ د شهيدانو له مقام سره سمې عيارې کړي او په دې ترتيب د افغانستان د ملت په ماتم کې خپل ملي رول ادا کړي.
