طرابلس رويټرز باختر د سلواغې دمياشتې ٥
ناپيژندل شويو وسله والوکسانو پرون د لبنان په طرابلس ښار کې يو مصرى ديپلومات وتښاوه .
له دغې تښتونې څخه يو ساعت مخکې په مصر کې دپوځي مليشو د ډلې دمشر دنيول کيدو په باب ددغې ډلې رپوټ خپور شوى و .
د رويترز دخبري سايټ دخبرله مخې : دليبيا او مصر دبهرنيو چارو د وزارتونو مقاماتو ويلي دي چې تښتول شوى ديپلومات په ليبيا کې د فرهنګي اتشه په توګه دنده ترسره کوله .
دمصر دبهرنيو چارو د وزير دڅرګندونو له مخې : ددغه ديپلومات د آزادولو
په باره کې خبرې پيل شوي دي.
دغه ديپلومات په مصرکې پوځي مليشو ديوې ډلې دمشر شهبان هاديا له نيول کيدو وروسته تښتول شوى دى .
ددغې ډلې يو بل مشر عادل الغريانى ويلي دي چې شهبان حاديا له خپلې کورنۍ سره د درملنې په خاطر مصر ته دسفر په وخت کې ددغه هيواد دامنيتي ځواکونو له خوا نيول شوى دى .
دوى وايي چې مصري ديپلومات يې د شهبان دنيول کيدو په بدل کې تښتولى دى دغې ډلې دمصر مقاماتو ته خبردارى ورکړى دى چې بايد په څو ساعتونو کې شهبان آزاد شي ، له دې پرته مسووليت به په خپله د دوي په غاړه وي .
تراوسه پورې دشهبان دخلاصون په برخه کې دمصري مقاماتو له خوا هيچ رازخبر نه دى خپور شوى .
