۵– کابل، د غوايي ۲۴مه، باختر
د قطر د بهرنیو چارو وزیر محمد بن عبدالرحمن آل ثاني له خپل امريکايي سیال انتوني بلینکن سره د افغانستان په تړاو ټلیفوني خبرې کړې دي.
د قطر د بهرنیو چارو وزارت د یوې خبرپاڼې په خپرو سره ويلي، په دغه ټلیفوني مکالمه کې د قطر او امریکا د دوه اړخیزو اړیکو او د افغانستان د سیاسي وضعیت په تړاو خبرې شوې دي.
په ورته وخت کې د امریکا د بهرنیو چارو وزارت هم په یوه خبرپاڼه کې ويلي، چې بلینکن له خپل قطري سیال سره په خبرو کې له افغانستان سره د قطر د مرستو پر دوام ټینګار کړی دی.
بهیر
