کابل، د غوايي ۷ مه، باختر
د بغلان د ترافیکو مدیریت په دغه ولایت کې د موټر پلورنځیو له ټولو استازو سره په لیدنه کې سپارښتنه کړې چې هرڅه ژر دې خپل یو کیلي وسایط ثبت او راجستر کړي.
د دغه ولایت د ترافیکو مدیر قاري نذیرعابدي د موټر پلورنځیو له استازو سره په لیدنه کې سپارښتنه وکړه، چې هرڅه ژر دې تر ټاکلي مودې پورې خپل یو کیلي وسایط دغه مدیریت کې ثبت او راجستر کړي څو د ضبط کېدو څخه وژغورل شي.
عابدي خبرداری ورکړ، چې د ټاکل شوې مودې له پای ته رسېدو وروسته به ټول هغه یو کیلي وسایط ضبط کړي چې ثبت او راجستر شوي نه وي.
په همدې مهال د موټر پلورونکو د اتحادیې مشر قسیم یوسفزي د اسلامي امارت د دې اقدام چې له مخې یې یو کیلي وسایط ثبت او راجستر کیږي هر کلی وکړ او زیاته یې کړه، چې د بغلان ټول موټر پلورنځي به خپل وسایط ثبت او راجستر کړي.
اندړوال،ص
