خبرونهاقتصاد

د بغلان په مرکز کې زرګونه جریبه کرنیزو ځمکو ته د اوبو رسولو هڅې روانې دي

کابل / د کب ۲۷ مه / باختر

د بغلان په مرکزي ښار کې د زرګونو جریبه کرنیزو ځمکو د خړوبولو هڅې پیل شوې.

ټاکل شوې د دغو ځمکو اوبه به د کانال په پاکولو سره له لرې واټن څخه تامین شي.

پورتنی کانال د پلخمري له ښار څخه ډېر لرې تېرېږي. دغه کانال چې اتلس کیلومتره اوږدوالی لري د غرونو له لوړو څخه د ښار کروندو ته اوبه رسوي.

خو د بغلان د کرنې، اوبولګولو او مالدارۍ ریاست یوه چارواکي امرخیل باختر آژانس ته وویل چې د لوړ واټن د اوبولګولو کانال په پاکولو سره به د کروندګرو ۲۰ زره جریبه ځمکه خړوبه شي د یاد کانال د پاکولو لګښت فرانسه ورکوي.

د پلخمري ښار سلګونه وزګار ځوانان په دغه کانال کې کار کوي.

ټاکل شوې دغه کانال تر ۲۰ راتلوونکو ورځو پورې ګټې اخیستنې ته وسپارل شي.

کروندګر د پورتني کانال له پاکولو خوښ دي او وايي چې د کافي اوبو په درلودلو سره به يې کروندې ښې شي.

ع

دوام

ورته لیکنې

دکمه بازگشت به بالا