کابل باختر د مرغومي پنځه ويشتمه
د داعش د ډلې د شپږو تنو جګپوړي قوماندانانو په ګډون ۲۹ تنه داعشيان په ننګرهار ولايت کې د ډار اچوونکو پرخلاف د يو لړ عملياتو په بهيرکې ووژل شول.
په دغو داعشيانو تېره شپه د هسکې مينې، غني خيلو، مومند درې او د اچين ولسواليو په ځينوسيموکې بريدونه وشول .
د هېوادپه ختيځ کې د ملي اردو يو جګپوړی قوماندان باخترآژانس ته وويل چې په دغو ځانګړو عملياتوکې د داعش د شپږو تنو قوماندانانو په ګډون ۲۹ تنه ډار اچوونکي ووژل شول.
د را رسيدلو خبرونو له مخې: په دغو عملياتوکې له ټولوجنګي وسايلو سره يې د داعشيانو څو مرکزونه هم دړې وړې شوي دي.
ختم_ ج _ اکرم
