ميمنه باختر د زمري ١١ :
شپږتنه وسله وال طالبان په فارياب ولايت کې له افغان پوځونوسره په جګړه کې ووژل شول.
دغه نښته تيره شپه ناوخته د دغه ولايت مرکز ميمنې ښارته څيرمه هغه وخت رامنځته وشوه چې وسله والو طالبانو دافغان سرتيرو په کاروان بريد وکړ.
د فارياب ولايت يو امنيتي مقام باخترآژانس ته وويل چې په دې يو ساعته نښته کې شپږ تنه وسله وال طالبان وژل شوي دي .
ويل کيږي په وژل شويو کسانو کې د طالبانو يو قوماندان هم شامل دي اوپه دې نښته کې افغان ځواکونوته زيان نه دى رسيدلى .
له بله پلوه په سرپل ولايت کې د يوې نښتې په بهيرکې درې تنه وسله وال طالبان دافغان سرتيرو له خوا ونيول شول .
دغه نښته تيرماښام هغه وخت رامنځته شوه چې افغان سرتيرو دطالبانو په يو پټنځاى بريد وکړ.