کابل، د وږي ١١مه، باختر
کورنیو چارو وزارت د هېواد په ٨ ولایتونو کې د بېلابېلو جنایي جرمونو په تور د ٢٨ کسانو د نیولو خبر ورکوي.
دغه وزارت په یوه خبرپاڼه کې ویلي، چې دغه کسان ۲۴ ساعتونو راهیسې په بلخ، کاپیسا، کندز، سرپل، ننګرهار، هرات، پروان او پکتیکا ولایتونو کې د غلا، قاچاق، جوارګرۍ، اسنادو جعلي کولو او نورو جرمونو په تړاو نیول شوي دي.
د یادونې وړ ده، چې دغه وزارت نن هم په دریو ولایتونو کې د نشه یي توکو د پلور په تور د ١١ کسانو د نیولو خبر ورکړی و.
