کابل، د مرغومې ۵ مه، باختر
د خوست ولایت ورزشي امریت د ځغاستې فدراسیون په چوکاټ کې د لکڼو سیمې کې د ۱۰۰ ځوانانو ترمنځ د ځغاستې سیالۍ ترسره شوې.
د ځغاستې فدراسیون مسوول ذبیح الله یوسفزی وايي، چې دغو سیالیو دوې برخې لرلې چې (۱۰۰)او (۱۰۰۰) مترو کې د لوبغاړو ترمنځ ترسره شوې.
په خبره یې، دواړو برخو کې د (۱۰۰) لوبغاړو ترمنځ سیالي ترسره شوې چې په سل متره ځغاسته کې انعام الدین او په یو کیلو متر کې جمال ناصر لومړي مقامونه خپل کړل.
د یادونې وړ ده، چې په لېرو پرتو سیمو کې به له سیالیو وروسته د غوره لوبغاړو ترمنځ په مرکز کې د غوراوی سیالۍ ترسره شي.
س.صدیقي
