کابل، د لېندۍ ۲۸مه، باختر
د ټولګټو وزارت مسئولین وايي چې د سالنګونو لویه لاره لا هم د ترافیکو پر مخ تړلېده.
د باختر آژانس د خبر له مخې؛ د دغه وزارت ویاند مولوي حمیدالله مصباح وايي: د نفتي توکو یو ټانکر چې د یکشنبې په ماښام د سالنګونو لویې لارې په تونل کې اور اخیستی و، دا مهال د ټولګټو وزارت د پرسونل په هڅو، اور کابو شوی او د اورلګېدنې د پاتې شونو د پاکولو کار جریان لري.
مصباح زیاتوي چې دغه لویه لاره تر اوسه د ترافیکو پر مخ بنده ده.
هغه له ټولو هېواداولو څخه هیله کوي، چې د ټولګټو وزارت تر بیا خبرتیا پورې دې پر دغه تګلوري له تګ راتګ څخه ډډه وکړي.
د سیمه ییزو راپورونو له مخې، تر اوسه پورې د یادې پېښې له ساحې څخه، ۱۶ شهيدان او شاوخوا ۴۰ ټپيان را اېستل شوي دي؛ دغه ارقام وروستي نه دي او د ډېرېدو احتمال یې شته.
وهاج
