کابل، د غبرګولي ۱۵مه، باختر
د افغاني سرې میاشتې ټولنې له لوري نن په پلازمېنه کابل کې د سوري زړه په ناروغۍ اخته ۲۶ ماشومان د عملیاتو او درملنې په موخه دوو داخلي روغتونونو ته ور وپېژندل شول.
د افغاني سرې میاشتې ټولنه وايي، چې په تېرو ۹ میاشتو کې د افغاني سرې میاشتې له لوري پلازمېنه کابل کې د سوري زړه په ناروغۍ ۱۲۰۳ اخته ماشومان د درملنې په موخه بېلابېلو روغتونونو ته ورپېژندل شوي دي.
د یاونې وړ ده، چې د یادو ماشومانو د عملیاتو او درملنې ټول لګښت د افغاني سرې میاشتې له لوري ورکول کېږي.
لمر
