کابل، د غبرګولي ٤مه، باختر
د بلخ سرپرست والي حاجي محمد یوسف وفا په لارښوونه د شمال زون په سمنګان، جوزجان، بلخ، سرپل او فاریاب ولایتونو کې مخابراتي شبکو ۴۴ نوي آنتنونه فعالېږي.
د شمال زون د اترا ادارې رئیس حافظ محمد ثابت نعمان په خبره د سرپرست والي له لوري ورته سپارښتنې شوې، ترڅو د شمال زون په پنځو ولایتونو کې هغه سیمې په نښه کړي، چې مخابراتي شبکو خدمتونه ورته نه دي رسېدلي.
نعمان زیاته کړه، چې تر دې دمه د جوزجان قوش تېپې او درزآب ولسوالیو کې ٣ انتنونه فعال کړي او په راتلوونکو دوو میاشتو کې به د یادو ۵ ولایتونو ټولو هغو سیمو کې ۴۱ نور آنتنونه نصب کړي، چې په تېرو شلو کلونو کې یې مخابراتي خدمتونو ته لاسرسی نه درلود.
لمر
