کابل، د مرغومي ۴مه، باختر
د ټولګټو وزارت د غزني- ګردېز سړک د بیارغونې د چارو د پیل کېدو خبر ورکړی دی.
یاد وزارت د یوې خبرپاڼې په خپرولو سره ویلي، چې د یاد سړک د بیارغونې چارې د غزني له ښار څخه پیل شوې او ټاکل شوې ده، چې د پکتیا ولایت تر مرکز ګردېز پورې د ۵۵ کیلو متره په اوږدوالي سره بېرته رغول کېږي.
د یادونې وړ ده، چې د غزني – ګردېز سړک ۳۴ کیلومتره د غزني ولایت د ده یک ولسوالۍ په مربوطاتو کې تر دې دمه نه دی پوخ شوی او په پام کې ده، چې دغه برخه هم په اساسي ډول ورغول شي.
افغانمل
