شبرغان باختر دليندۍ دمياشتې ١٣ :
په جوزجان ولايت کې پوځيان وايي چې په آقچې ولسوالۍ د طالبانو پراخ بريد
يې له ماتې سره مخامخ کړى دى.
د پنجشنبې په شپه په لسګونو وسله والو طالبانو د آقچې په ولسوالۍ بريد وکړ .
دخبرونو له مخې ؛ جګړې ترسهارپورې دوام درلود.
د جوزجان ولايت دپوليسو يوه قوماندان د باخترآژانس خبريال ته وويل : په دې بريدکې وسله وال طالبان له سختې ماتې سره مخامخ شول.
ده وويل ؛ په دې بريد کې وسله والو طالبانو ته د سر دروند زيان واوښت خو درامنځته شويو تلفاتو په باب يې دقيق معلومات ورنه کړل.
د پوليسو دغه قوماندان په دې جګړه کې دپوليسو دځواکونو د سر داحتمالي زيان په باب څه ونه ويل .
طالبانو تر اوسه پورې په دې باب څه نه دي ويلي.
