کابل، د زمري٢٤ مه، باختر
د مزارشريف ښاروال وايي چې د ښار پاکولو لپاره يې خپلې هلې ځلې ګړندۍ کړې دي.
د مزارشريف ښاروال د دغې ادارې د تنظيف کارکوونکو له خوا په ٢٤ساعته ډول د مزارشريف ښار د سړکونو پر پاکولو ټينګار وکړ او د ښاري نظم د تطبيقولو خبر ورکړ.
د مزارشريف ښاروال باختراژانس ته وويل چې د مزارشريف ښار د پاکولو لپاره ٢٥٠ تنه کارکوونکي په کار بوخت دي او هغوى د ښار په ١٢ ناحيو کې په دوامداره ډول کثافات راټولوي او ټاکلي ځاى ته يي لېږدوي.
د مزارشريف ښاروال وايي چې دا ادره ٣٣ نقليه وسایط په واک کې لري چې يوشمېر يې له کار لوېدلي و خو د دغې ادارې په هڅو سره بېرته ترميم او د کثافاتو په لېږدونه کې ورڅخه استفاده کېږي.
د مزارشريف ښاروال د دغه ښار د سړکونو د پاکولو او د ونو خړوبولو ډاډ ورکړ او ويې ويل چې د اوبو درې ټانکرونه هره ورځ په ښار کې موجودې ونې خړوبوي.
\ ذ
