هرات باختر آژانس د وږى ١٩
دهرات ولايت په شينډنډ ولسوالۍ کې دملي اردو په عملياتوکې شپږ تنه وسله وال طالبان ووژل شول.
دهرات ولايت د پوليسو مسوول باختر آژانس ته وويل دغه طالبان تيرماښام دشينډنډ ولسوالۍ دبرمکان زيرکوه په سيمه کې و وژل شول.
د ده دڅرګندونو له مخې :دملي اردو ځواکونو پخوا خبر ترلاسه کړى وچې يوې ډلې وسله والو طالبانو پردوى د کمين او بريد نيت لرى په همدى مقصد يې په متقابل بريد لاس پورى کړ او طالبانو ته يې دسر دزيانونه واړول .
دخبرځاى دڅرګندونو له مخې : دطالبانو مړى دپيښې په ځاى کې پاتي او دطالبانوقوماندان ملا نورالدين له دوو سرګرو پانو سره په داسې حال کې چې ټپي و دنښتې له سيمې څخه تښتيدلي دي ديوه اړونده خبرځاى دڅرګندونو له مخې په دغو عملياتو کې دملي اردو ځواکونو او خلکو ته زيان نه دى اوښتي.
