په زابل کې دپوځيانو او طالبانو ترمنځ مرګانۍ نښتې

-کابل باختر د لړم اوومه :
دزابل ولايت  دوسله والو طالبانو اوپوځيانو ترمنځ دنويو نښتو ډګر و .
  دغه  جګړې  پرون ناوخته  دارغنداب په ولسوالۍ کې هغه وخت ونښتې چې دطالبانو دډلې په لسګونو غړوپه امنيتي پوستو  بريدونه وکړل .
دزابل ولايت يوه امنيتي مقام باختراژانس ته وويل چې په دغو نښتو کې اته تنه يرغلګر ووژل شول  او شپږ تنه نور ټپيان شول .
  ده دغه راز په دغو نښتو کې دپوليسو  دشپږو تنو مامورانو شهادت  تاييد کړاو ويې ويل  چې  دکومکي ځواکونو په رسيدو سره  يرغلګرو دتيښتې لاره غوره کړه .  له بلې خوا دسيمې اوسيدونکي وايي چې  وسله والو طالبانو  ددغو پوستو  له نيولو وروسته  دپوځيانو  يوه اندازه جنګي وسايل  له ځان سره  يوړل  .