کابل، د سلواغې ۲۳مه، باختر
د اوبو او انرژۍ وزارت، په کابل ښار کې د څه د پاسه ۱۲۰۰ جذبي څاه ګانو د کېندلو خبر ورکړی دی.
د دغه وزارت په خپره شوې خبرپاڼه کې ویل شوي چې د اوبو او انرژۍ وزارت مسئولینو د کابل ښار په بېلابېلو سیمو کې، د اوبو په کاروونکو او سترو ګټو اخیستونکو باندې په ۱۴۰۲ مالي کال کې ۱۲۲۰ کړۍ جذبي څاه ګانې د کابل ښار د ځمکې لاندې اوبو سرچینو د تغذیې په موخه کېندلې دي.
ویل شوي چې یادې څاه ګانې د موسمي بارانونو د اورېدلو په صورت کې، په یوه کال کې د څه د پاسه ۷۹ زره ۱۷۷متره مکعب اوبو د ذخیره کولو وړتیا لري چې تر ځمکې لاندې پوړونو کې به زېرمه شي.
