کابل – باختر د د غبرګولي دمياشتې ٢٦
د سرپل – شبرغان د لوى لارې په تګلورې کې دوه اساسي امنيتي بيزونه نوي جوړ شوي دي .
د جوزجان ولايت امنيه قوماندان مل پاسوال رحمت الله ترکستاني د باختر آژانس خبريال ته وويل: دوه اساسي بيزونه د شبرغان – سرپل د لوى لارې په تګلورې کې د شيربيګ او طوفان په کليوکې جوړ کړي او سپکې او درندې وسلې پکې ځاى پرځاى کړي دي چې مسافرين په آرامۍ سره په دغه تګلوري کې تګ راتګ وکړي.
ترکستاني زياته کړه چې دوى د منګوتى، چهارجفت او پنج جفت په کليوکې هم څو پوستې جوړې کړې دي چې دا ټول د شبرغان – سرپل د لوى لارې دامنيت د تامينولو لپاره ګټور دي.
