کابل باختر د غبرګولې ديرشمه :
دبغلان دپلخمري له سيلو څخه دوچکالي له امله زيانمنو شويو سيمو ته د زرګونو ټنو غنمو ليږدونه نن پيل شوه .
دغه غنم چې اندازه يې پنځلسو زرو ټنو ته رسيږي دوچکالي له امله له زيانمنو شويو کسانو سره دمرستې په خاطر ددولت له خوا دازبکستان له هېوادڅخه پيرودل شوي دي .
دپلخمري دسيلو رياست يوه مسوول عبدالهادي حکيمي دباختراژانس سيمه ئيز خبريال ته وويل چې په لومړي پړاو کې له دغې سيلو څخه دغنمو ليږدونه دسمنګانو ، بدخشان ، بغلان ، تخار او ددايکنډي ولايتونو ته ترسره کېږي .
ده وويل چې يو زرو دوه سوه يو شپيته ټنه سمنګانو ، درې سوه شپږ شپيته ټنه بدخشان ، پنځه زره اته سوه ديرش ټنه تخار ، دوه زره پنځه سوه ټنه بغلان او اته سوه نوي ټنه له برابر شوي پروګرام سره سم دايکنډي ته ليږدول کېږي .
ختم_ عطاالله _ اکرم
